上一個星期啱啱由北歐返嚟香港，咁就講一講北歐先啦！人哋話呢北極光係好難睇到嘅，要好靠運氣，當我去之前做蒐集嘅時候，由於北歐距離香港實在太遠啦，所以會由於經費同埋距離，你會發現相比起日本韓國呢啲熱門國家，你係冇乜資訊既，有啲人話你十幾萬去睇北極光都睇唔到，其實我信嫁！最後因為行程既原因,同相比好多個city之後,我揀左去norway既tromso.因為北極光係要追嘅，咁如果你有上網睇嘅話，就知道有好多追光團，一啲呢就就係平啲嘅，坐大巴士然後有4，50個人同你同團，個巴士呢就車到你去一達比較距離市區遠少少嘅地方，咁你就落車睇北極光，睇完啦影完啦咁就上番車，咁就完架啦！大約800NOK左右！而我所揀嘅團呢就係好似小班教學咁，係咪叫小人團呢？咁就全團七個人囉，咁當然係貴啲啦，我呢就係香港已經book定左架啦，1400NOK,我怕去到會冇晒團，咁個團呢就包左一啲小蛋糕，都有親手煲嘅辣湯，保暖衣物，咁因為小班教學啦，都有呢就會教你用埋部相機，點樣去延長曝光，即係好似我樓下呢張相咁呀！而且佢會講解一下北極光如何形成嘅，貴呢就貴左少少，不過去到第一日就見到北極光，我覺得成個行程幾乎完咗咁滯😂 後來呢，第二日我就出番去市中心嘅tourist information centre,先發現原來同一個團如果係嗰度報名，係1300NOR，而且嗰邊資訊多好多，如果你系唔急嘅話，可以係個邊揀。我就冇所謂啦，因為去嗰時好徬徨，而且最後見到北極光咩都抵晒啦！ 下面嘅兩條拎呢，係俾你睇一個星期預測睇到北極光嘅指數，大家可以參考下，再決定邊一日去睇!
最後補反我去睇北極光嘅地方係係羅威既tromso!
可以睇到一個星期既北極光能見度:
http://www.gi.alaska.edu/AuroraForecast/Europe
TROMSO既tourist information centre官網
http://www.visittromso.no/en
Search